KONA BA HA'U

•  PROFIL BADAK

Olá! Ha'u nia naran kompletu Lívia Fátima Baptista Eça Soares, ha’u estudante ida husi Universidade Nacional Timor Lorosa’e no estuda iha área Engenharia Informática. Ha’u moris iha Díli, 29 de Maio de 2002, ha’u iha maun (1) no bin (4) no ha'u mak oan feto ikun husi maun alin nain 6. Agora dadauk ha’u fahe tempo barak liu ba escola maibe iha mos atividade seluk fora da escola hanesan joga futsal ho kolega sira no iha mos atividade sira seluk.

• EDUKASAUN

Ha'u hahu komesa ha'u nia moris hanesan estudante iha tinan 2006, iha momentu ne'eba ha'u ho tinan 4. Komesa hanesan estudante Pré-Primária (TK) iha Escola Básica Central Farol ka uluk koñesidu ho naran SD2 Farol. Depois de estuda durante tinan 2 nia laran nu'udar estudante Pré-Primária, iha 2008 finalmente ha'u hakat passu ida husi Pré-Primária ba Primária. Ha'u escola iha ne'eba durante tinan 8 nia laran, Pré-Primária tinan 2 no Primária tinan 6.

Kuandu ha'u remata estudu iha Primária, ha'u nain rasik desidi hakarak kontinua ha'u nia estudo Pré-Secundário no  Secundário iha escola Externato de São José, Dili. Iha ne'eba hau senti oinseluk oituan tamba ambiente ne'ebe mak ha'u hasoru diferente tebes ho ha'u nia ambiente ida antes ne'e, maibe ida ne la sai kestaun ida mai ha'u atu kontinua estuda iha escola refere. Razaun ha'u hili atu estuda iha escola Externato de São José tamba escola ne'e iha kualidade ne'ebe aas, iha professores ne'ebe mak kualifikadu no ambiente ne'ebe di'ak, la'os deit ambiente atu estuda nian maibe mos ambiente ne'ebe seguru no iha ai-mahon ne'ebe barak atu ita bele hamahan aan no estuda ho halimar ba. Agradese tebes tamba ha'u bele estuda to'o remata Secundário iha escola refere tamba ha'u aprende buat barak tebes iha ne'eba, la'os deit aprende kona ba materia sira maibe aprende mos oinsá atu prepara ninia estudante sira hotu atu sai ema ne'ebe mak organizadu no sivilizadu, respeita ema seluk liu-liu ema ne'ebe bo'ot liu ita, aprende atu hala'o kolega ho ema hotu no la hili malu, importante liu mak hare malu hanesan maun/bin no alin laos deit iha resinto escola maibe iha fatin hotu-hotu no ida ne'e terbukti duni katak to'o agora ami hotu hare malu hanesan maun/bin no alin.

Iha 2021, ha'u hakat tan passu ida hanesan Estudante Universitáriu iha Universidade Nacional Timor Lorosa'e no estuda iha area Engenharia Informatica. Ida ne'e sai hanesan responsabilidade bo'ot tebes mai ha'u atu hala'o no tenki hakas aan atu nune'e bele remata estudu ho diak.

• ESPERIENSIA IHA ORGANIZASAUN

Iha 2019 to'o agora, ha'u hahu inklina aan iha organizasaun ida ho naran Timor-Leste Youth for Peace (TLYFP), organizasaun ida ne'e hanesan organizisaun voluntariu ne'ebe mak halibur jovem barak. Desde ha'u tama iha organizasaun ida ne'e ha'u aprende oinsa mak servisu hamutuk ho ema barak atu organiza/kria eventu ruma hanesan Peace One Day(atu komemora loron mundial ba dame) iha mos atividade oioin ne'ebe mak ami grupu ida ne'e hala'o ona.

• HOBBY KA INTERESSES

Hanesan foinsa'e ida ha'u iha hobby ka interesse oioin ne'ebe mak ha'u hala'o ses husi oras escola nian, mak hanesan : Joga futsal, desenha, halimar jogu sira (game/PS), kanta (maske lian aat los). 

• KONTAKTU

Telefone : +670 77290909

Enderesu : Lírio, Motael, Vera-Cruz, Dili, Timor-Leste

Email : liviaf.21052@gmail.com

Web/blog : www.liviasoares29.blogspot.com

Facebook : Livia Soares

Instagram : liviasoares_29